Ақмола облысы білім басқармасының Ақкөл ауданы бойынша білім бөлімінің Еңбек ауылының Кеңес Одағының Батыры, Халық Қаһарманы С. Нұрмағамбетов атындағы жалпы білім беретін мектебінде 25 қазанда атап өтілетін Қазақстан Республикасы күніне арналған жоспарлы іс-шаралар өткізілді. Мерекеге орай оқушылардың бойында отансүйгіштік сезімін қалыптастыру, Қазақстан Республикасының тарихы мен мемлекеттік рәміздеріне құрметпен қарауға тәрбиелеу, сондай-ақ туған жерге деген мақтаныш сезімін арттыру мақсатында тақырыптық сынып сағаттары, танымдық іс-шаралар мен тәрбиелік әңгімелер ұйымдастырылды. Өткізілген іс-шаралар оқушылардың азаматтық жауапкершілігін арттыруға, ұлттық құндылықтарға, салт-дәстүрлерге және қазақ халқының мәдениетіне деген құрметін қалыптастыруға ықпал етті. Қазақстан Республикасы күні — тәуелсіздіктің, бірлік пен жасампаздықтың символы. Бұл мереке еліміздің барлық азаматтарын туған жерге деген сүйіспеншілік пен Отанымыздың өркендеуіне деген ұмтылыс жолында біріктіреді. Баршаңызды Республика күнімен құттықтаймыз! Елімізге бейбітшілік, амандық, бірлік пен өркендеу тілейміз!